☘️西貢清新地花園🍀（狗狗玩樂好去處）

西貢區除了市區，鄰近科技大學清新地花園也是一個狗狗玩樂的好地方；

如果由科技大學起步，建議大家唔好揸車去（睇哂大家就會明點解😓），最好的士或call車去到科技大學正門，巴士站附近有指示牌（圖2），

沿著方向落樓梯，大約15分鐘就會到，因為梯級高級不平比較費力，最好掹著扶手行較安全，如果之前落過雨都要小心地下濕滑（上落樓梯會影響部份品種狗狗的關節，可以的話建議抱著落樓梯）；到達園地有大量草園供狗狗玩樂，亦有不少特色佈置和設施可以影相；場內亦設有盆栽種植及自製田園pizza (另外收費），或者自備食物在草地上野餐均可。

回程方面，唔建議去返科技大學果邊走（哩個就係點解唔好揸車去的原因），玩完一日行返上果段樓梯會好攰，所以可以選擇5:00pm（最後一班）搭小船到白沙灣碼頭，單程每人$20；

其實去程都可以在白沙灣搭小船到清新地，但只有2:00pm一班船，約果可以組織到10人或以上可以先致電清新地代為預約船家其他時段開船（來回雙程共$30）。

清新地入場費：$100@1人可帶同1隻寵物（包括1杯飲品），另外$60@每隻寵物；清新地逢星期二至日9:00am-5:00pm（公眾假期例外） 開放，雖預先預約，查詢電話5112 9195 ，fb專頁：

https://www.facebook.com/naturesharvest/

網址：

http://naturesharvest.com.hk/index.php?option=com_content&view=article&id=32&Itemid=91&lang=zh

溫馨提示：野外話動要注意天氣，如果之前果日或者當日落過雨都要避免，因為天雨梯級路滑會比較危險及草叢間有機會有牛蜱出沒。

下篇預告：同狗仔一齊市區BBQ